NASCIMENTO RAPOSO

Foto cedida pelo Neto Ivo Mendes

Malhadas: 1922 - 2002

Mirandês:

Nascimento Raposo naciu an 23 de Dezembre de 1922, na aldé de Malhadas (Miranda de l Douro),

Zde de mui nuobo assumiu tornar-se l gaiteiro de la sue tierra natal. Anque benir dua família sin qualesquiera storial musical, ls sous purmeiros cuntatos culas tradiçones de l praino mirandés acuntecírun durante las fiestas tradecionales de l'aldé.

Al duoze anhos d'eidade, sou pai José Augusto Raposo fizo queston de le cumprar la sue purmeira gaita de foles, gaita essa custruída pul famoso arteson de madeira i torneiro Luciano Afonso, d'alcunha Tiu Fuseiro de Genísio.

La sue aprendizaige, fui a la semelhança de la maiorie de ls gaiteiros de l praino, puls porcessos habituales apreciando i oubindo ls mais bielhos i sperientes gaiteiros. L treino, esse cumo siempre era feito durante ls longos dies de solidon ne l pastoreio. Assi acabarie por trazer l'ousadie suficientes para ir tocar nas fiestas locales i de las aldés mais próssimas.

Nascimento Raposo ampeçou l'atebidade d'arteson de gaita de foles, purmeiro por custruir l sou própio torno mui rudimentar i a la semelhança de l Tiu Fuseiro de Genísio. Na sue arrecadaçon ampeçou a nacer i a tomar formas ls sopretes, ponteiros i roncos. Daprendiu a curtir las piels para ousar cumo foles nas sues gaitas i, mais amportante, custruir palhetas i palhones.

Un de ls sous maiores ourgulhos era las sues palhetas, al Berdadeiro Coraçon de la gaita. Custruir las sues própias palhetas era motibo de nun star dependente de terceiros i l sonido de la sue gaita star al sou gusto.

Nascimento Raposo, gaiteiro de Malhadas, remete-mos pa l'arquétipo de ls eilustres gaiteiros mirandeses i cun ua postura baidosa. Tamien el pertence a un de ls mais amblemáticos gaiteiros de la tradiçon de las Tierras de Miranda.

La malina lebou-lo a falecer an 06 de Márcio de 2002, inda assi la sue mimória permanece an todos quantos l'oubiran i tubírun l'ouportunidade de cul cumbibíren.

******

Português:

Nascimento Raposo nasceu em 23 de Dezembro de 1922, na aldeia de Malhadas (Miranda do Douro),

Desde de muito novo assumiu tornar-se o gaiteiro da sua terra natal. Apesar de vir de uma família sem qualquer historial musical, os seus primeiros contactos com as tradições do planalto mirandês aconteceram durante as festas tradicionais da aldeia.

Ao doze anos de idade, seu pai José Augusto Raposo fez questão de lhe comprar a sua primeira gaita de foles, gaita essa construída pelo famoso artesão de madeira e torneiro Luciano Afonso, de alcunha Tiu Fuseiro de Genísio.

A sua aprendizagem, foi à semelhança da maioria dos gaiteiros do planalto, pelos processos habituais apreciando e ouvindo os mais velhos e experientes gaiteiros. O treino, esse como sempre era feito durante os longos dias de solidão no pastoreio. Assim acabaria por trazer a ousadia suficientes para ir tocar nas festas locais e das aldeias mais próximas.

Nascimento Raposo iniciou a actividade de artesão de gaita de foles, primeiro por construir o seu próprio torno muito rudimentar e à semelhança do Tiu Fuseiro de Genísio. Na sua arrecadação começou a nascer e a tomar formas os sopretes, ponteiros e roncos. Aprendeu a curtir as peles para usar como foles nas suas gaitas e, mais importante, construir palhetas e palhões.

Um dos seus maiores orgulhos era as suas palhetas, O Verdadeiro Coração da gaita. Construir as suas próprias palhetas era motivo de não estar dependente de terceiros e o som da sua gaita estar ao seu gosto.

Nascimento Raposo, gaiteiro de Malhadas, remete-nos para o arquétipo dos ilustres gaiteiros mirandeses e com uma postura vaidosa. Também ele pertence a um dos mais emblemáticos gaiteiros da tradição das Terras de Miranda.

A doença levou-o a falecer em 06 de Março de 2002, no entanto a sua memória permanece em todos quantos o ouviram e tiveram a oportunidade de com ele conviverem.