JOSÉ JOÃO DA IGREJA

Ifanes: 1911 - 1975

Mirandês:

Nacido an Anfainç a 5 de Outubre de 1911, José João da Igreja bieno a falecer a 4 de Júnio de 1975, an circunstáncias trágicas dua queda dun frezno.

  

Foto disponibilizada por Isabel da Igreja, 

filha do gaiteiro, em 2004. 

Arquivo Sons da Terra.

José João da Igreja era un cumpetente carpinteiro de telhados i de sobrados de casa. Ye un daqueles gaiteiros de la Tierra de Miranda cujo nome permanece absolutamente referencial, sendo inda hoije recordado pula giente que tubo l prebilégio d'apreciar l sou talento i birtuosismo de l toque nas arruadas tradecionales i fiestas rurales de l Praino Mirandés. La sue muorte prematura ampediu-mos de cuntinar a usufruir, por mui mais tiempo, de l sou einorme talento quemunicatibo.

José João da Igreja fui un de ls gaiteiros de la Tierra Miranda mais percurado por eilustres coletores de música cumo Michel Giacometti i Ernesto Beiga de Oulibeira. An 1956, Michel Giacometi grabou un de ls mais amblemáticos spécimes de l repertório tradecional, Redondo, que fui ancluído ne l belume 2 de la Antologie de la Música Regional Pertuesa, dedicado a la porbíncia de Trás-los-Monte e tamien mais tarde la série “Pobo Que Canta”.

  

Inda hoije muitos populares l recordan de modo particularmente spressibo “Nun habie naide cumo l Tiu Zé Gaiteiro de Anfainç!... I olhe qu'habie mui buns gaiteiros nessa altura mas nanhun era cumo el!...”

********

Português:

Nascido em Ifanes a 5 de Outubro de 1911, José João da Igreja veio a falecer a 4 de Junho de 1975, em circunstâncias trágicas de uma queda de um freixo.

José João da Igreja era um competente carpinteiro de telhados e de sobrados de casa. É um daqueles gaiteiros da Terra de Miranda cujo nome permanece absolutamente referencial, sendo ainda hoje recordado pela gente que teve o privilégio de apreciar o seu talento e virtuosismo do toque nas arruadas tradicionais e festas rurais do Planalto Mirandês. A sua morte prematura impediu-nos de continuar a usufruir, por muito mais tempo, do seu enorme talento comunicativo.

José João da Igreja foi um dos gaiteiros da Terra Miranda mais procurado por ilustres colectores de música como Michel Giacometti e Ernesto Veiga de Oliveira. Em 1956, Michel Giacometi gravou um dos mais emblemáticos espécimes do repertório tradicional, Redondo, que foi incluído no volume 2 da Antologia da Música Regional Portuguesa, dedicado à província de Trás-os-Monte e também mais tarde a série “Povo Que Canta”

  

Ainda hoje muitos populares o recordam de modo particularmente expressivo “Não havia ninguém como o Tiu Zé Gaiteiro de Ifanes!... E olhe que havia muito bons gaiteiros nessa altura mas nenhum era como ele!...”

JOSÉ MANUEL SAMPEDRO

Travanca: 1906 - 1973

  

Mirandés:

Foto de autor desconhecido

L Eilustre gaiteiro José Manuel Sampedro naciu an 1906 i faleciu an 1973 na aldé de Trabanca, cunceilho de Mogadouro. La sue bida fui anteiramente passada ne l campo i pastorícia. An tenra eidade ampeçou a animar las fiestas locales i de las redondezas tocando nua gaita de foles por si custruída.

Inda hoije ls mais bielhos de l'aldé relatan la sue halbelidade para trabalhar la madeira, fazendo peones, ruocas i fusos. Era usual las mulhieres liebar uas baras de frezno i el talhaba-les un fuso dua pernada. Tubo l'ousadie de custruir un torno, mui rudimentar, cun uas baras i uas correias (dezido por un habitante de a tierra) cul percipal oubjetibo de sastifazer las ancomendas que le chegában. Restourou l'altar de la Paróquia i mais outros trabalhos de carpintarie.

Uas de las stórias mais caricatas de Tio Manuel de Sampedro, fui quando bendiu ua gaita de foles de fabrico de la sue outoria, afirmando ser a melhor de las melhores; tiempos depuis recebiu l retorno de l'anformaçon de l cumprador de que nun la cunseguia poner a tocar. L Mestre gaiteiro quedando spantado cun tal afirmaçon anformou-lo “Oura essa! You bendi-le ua gaita mas nun le bendi l miu fólego!”

*****

Português:

O Ilustre gaiteiro José Manuel Sampedro nasceu em 1906 e faleceu em 1973 na aldeia de Travanca, concelho de Mogadouro. A sua vida foi inteiramente passada no campo e pastorícia. Em tenra idade começou a animar as festas locais e das redondezas tocando numa gaita de foles por si construída.

Ainda hoje os mais velhos da aldeia relatam a sua habilidade para trabalhar a madeira, fazendo peões, rocas e fusos. Era usual as mulheres levar umas varas de freixo e ele talhava-lhes um fuso de uma pernada. Teve a ousadia de construir um torno, muito rudimentar, com umas varas e umas correias (dito por um habitante da terra) com o principal objectivo de satisfazer as encomendas que lhe chegavam. Restaurou o altar da Paróquia e mais outros trabalhos de carpintaria.

Umas das histórias mais caricatas de Tio Manuel de Sampedro, foi quando vendeu uma gaita de foles de fabrico da sua autoria, afirmando ser a melhor das melhores; tempos depois recebeu o retorno da informação do comprador de que não a conseguia pôr a tocar. O Mestre gaiteiro ficando espantado com tal afirmação informou-o “Ora essa! Eu vendi-lhe uma gaita mas não lhe vendi o meu fôlego!”

JOSÉ AGOSTINHO DIZ (Tiu Bígaro)

Águas Vivas: 1905 - 1961

Mirandés:

Foto disponibilizada por 

Teresa de Jesus Diz, filha de 

José Agostinho Diz.

 Arquivo Sons da Terra.

José Agostinho Diz, naciu a 22 de Agosto de 1905 i faleciu a 16 de Febreiro de 1961. Mais coincido por Tiu Bígaro, nun deixando la populaçon local de mos adbertir que tal alcunha nó benie de la parte del, que siempre fura home mui sério, mas de ls sous pais, esses assi, éran uns bigaristas. Fui un de ls mais populares i apreciados gaiteiros de la tierra Augas Bibas – Miranda de l Douro

Todo andica que la Gaita de foles ousada pul eilustre gaiteiro José Agostinho Diz (segundo l decumiento redigido por António Marie Mourinho) terá pertencido al Tiu Pepe de Frezniosa (Manuel José Lopes), que se ancontra atualmente ne l Museu de la Tierra de Miranda (Miranda de l Douro).

José Agostinho Diz terá aprendido a tocar la gaita de foles solico, simplesmente bendo i oubindo ls bielhos i sperientes gaiteiros, seguindo un percurso de daprendizaige quemun a la maiorie de ls gaiteiros mirandeses. Home mui halbelidoso tenendo la particularidade d'el própio custruir las palhetas i curtie las piels de chibo para serbiren de fole nas gaitas.

Tocou an todas las procissones rializadas por ocasion de las fiestas que se fazien na tierra cunsagradas la S. Roque i la Nuossa Senhora de las Candeias. Acumpanhou, durante muitos anhos, l grupo de Pauliteiros de Palaçoulo.

*******

Português:

José Agostinho Diz, nasceu a 22 de Agosto de 1905 e faleceu a 16 de Fevereiro de 1961. Mais conhecido por Tiu Bígaro, não deixando a população local de nos advertir que tal alcunha não vinha da parte dele, que sempre fora homem muito sério, mas dos seus pais, esses assim, eram uns vigaristas. Foi um dos mais populares e apreciados gaiteiros da terra Águas Vivas – Miranda do Douro

Tudo indica que a Gaita de foles usada pelo ilustre gaiteiro José Agostinho Diz (segundo o documento redigido por António Maria Mourinho) terá pertencido ao Tiu Pepe de Freixiosa (Manuel José Lopes), que se encontra actualmente no Museu da Terra de Miranda (Miranda do Douro).

José Agostinho Diz terá aprendido a tocar a gaita de foles sozinho, simplesmente vendo e ouvindo os velhos e experientes gaiteiros, seguindo um percurso de aprendizagem comum à maioria dos gaiteiros mirandeses. Homem muito habilidoso tendo a particularidade de ele próprio construir as palhetas e curtia as peles de cabrito para servirem de fole nas gaitas.

Tocou em todas as procissões realizadas por ocasião das festas que se faziam na terra consagradas a S. Roque e a Nossa Senhora das Candeias. Acompanhou, durante muitos anos, o grupo de Pauliteiros de Palaçoulo.

ANTÓNIO ANTÃO ESTEVES (Tiu Antoninho)

S. Pedro da Silva: 1904

Duas Igrejas: 1982

Mirandés:

Foto retirada do respectivo bilhete de identidade 
(cedido ela viúva, Maria do Céu Galego)
Arquivo Sons da Terra

António Anton Stebes, nacido an San Pedro de la Silba a 18 de Agosto de 1904, questumaba tocar na Fiesta de ls Rapazes an dues Eigreijas (para adonde fui residir quando casou). Muitas pessonas recordan nel sendo l gaiteiro que mais bezes tocaba ne l Ancerramiento de l Corregedor, assegurando ls chamados toques de las marchas, que se ampeçában quando ls mardomos de S. João ampeçában l trasporte a las cabalhitas de l corregedor, a camino de l curral adonde l pretendian ancerrar.

Segundo a mulhier de António Anton Stebes, Marie de l Cielo Galego, recorda-se de l ber a tocar ne l Ancho de l Toural, acumpanhado por Alfredo Bintura (caixa) i pul Tiu Anrique (bombo).

L Tiu Antoninho Gaiteiro – nome pul qual era popularmente coincido na aldé – fui persente nas mais dibersas ocasiones festibas de la sue época an dues Eigreijas: zde l S. Sabastian, lougo an Janeiro, pulas folias carnabalescas i pulas fiestas de Santa Bárbela até a las fiestas de Santo Stébon i de S. João, an Dezembre, antre outras, l gaiteiro António Anton Stebes asseguraba las respetibas funçones musicales ne ls correspondentes peditórios cul toque ritual de l'alborada i procissones, nun squecendo ls balientes beiles ne ls terreiros. Custituiu ua marca amportante pa ls pauliteiros de dues Eigreijas.

Tiu Antoninho Gaiteiro, bendiu la sue gaita de foles inda an bida por motibo d'eidade i de salude. Por esse motibo yá nun le permitie cuntribuir pa la cuntenidade de la tradiçon gaiteira na tierra.

Faleciu an dues Eigreijas a 18 de Agosto de 1982, del permanece inda biba a mimória an muita giente de a tierra.

*******

Português:

António Antão Esteves, nascido em São Pedro da Silva a 18 de Agosto de 1904, costumava tocar na Festa dos Rapazes em Duas Igrejas (para onde foi residir quando casou). Muitas pessoas recordam-no sendo o gaiteiro que mais vezes tocava no Encerramento do Corregedor, assegurando os chamados toques das marchas, que se iniciavam quando os mordomos de S. João começavam o transporte às cavalitas do corregedor, a caminho do curral onde o pretendiam encerrar.

Segundo a mulher de António Antão Esteves, Maria do Céu Galego, recorda-se de o ver a tocar no Largo do Toural, acompanhado por Alfredo Ventura (caixa) e pelo Tiu Henrique (bombo).

O Tiu Antoninho Gaiteiro – nome pelo qual era popularmente conhecido na aldeia – foi presente nas mais diversas ocasiões festivas da sua época em Duas Igrejas: desde o S. Sebastião, logo em Janeiro, pelas folias carnavalescas e pelas festas de Santa Bárbara até às festas de Santo Estêvão e de S. João, em Dezembro, entre outras, o gaiteiro António Antão Esteves assegurava as respectivas funções musicais nos correspondentes peditórios com o toque ritual da alvorada e procissões, não esquecendo os valentes bailes nos terreiros. Constituiu uma marca importante para os pauliteiros de Duas Igrejas.

Tiu Antoninho Gaiteiro, vendeu a sua gaita de foles ainda em vida por motivo de idade e de saúde. Por esse motivo já não lhe permitia contribuir para a continuidade da tradição gaiteira na terra.

Faleceu em Duas Igrejas a 18 de Agosto de 1982, dele permanece ainda viva a memória em muita gente da terra.

L´S ARMANOS FERNANDES

ANTÓNIO AUGUSTO FERNANDES

(Prado Gaton: 1899/Urrós: 1988)

FRANCISCO GERALDES FERNANDES

(Prado Gaton, Miranda de l Douro 1912 – Combica, Estado de S. Paulo, Brasil 1997)

Mirandés:

La mimória de ls bielhos tiempos remete-mos a estes armanos eilustres Gaiteiros António (Augusto Fernandes) i Francisco (Geraldes Fernandes), ambos nacidos na houmilde aldé de Prado Gaton, cunceilho de Miranda de l Douro. D'acuordo culas anformaçones çponibelizadas, inda ne ls sous tiempos de mocidade, ls armanos trabalhában nas bezinas quintas de Prado Gaton, adonde tenien canhonas i ambos éran tocadores de gaita de foles. Esse gusto por tal strumiento tenie-les sido trasmitido por sou pai, Demingos Gabriel Fernandes, gaiteiro de la época. Zde mui nuobos que ls armanos António i Francisco tubírun d'abandonar la bida rotineira de l'ambiente fameliar para trabalháren, por causa de la muorte de l sou pai, siempre juntos, cumo pastores. Al que cunsta, separórun-se quando se casórun, seguindo cada un la sue bida.

António Augusto Fernandes e Neto
Foto cedida por Henrique Fernandes

 António Augusto Fernandes:
Tocou an bárias romaries locales, cumo na aldé Prado Gaton, Ruolos, Bempuosta, Brunhosinho, Saldanha, i tocou baries bezes an Sendin, na Fiesta de ls Moços antitulada las scapadas. Fui Gaiteiro de bários grupos de Pauliteiros de la época. Muitas pessonas de l'aldé de Ruolos, inda se recordan daquelas nuites de Berano an que se podie oubir l sonido de la sue gaita de foles tocada algures nas arribas de l Douro. Era de tal maneira popular an Ruolos que a mimória dua spresson caraterística de l Tiu Gaiteiro cumo ende le chamában era l'eilogio popular “ah Guaparron/oh Guaparrona”, permanece bien biba. 

Francisco Geraldes Fernandes:
Tocou pa ls pauliteiros de Ruolos i d'outras tierras, participou an bárias romaries locales. Animou muitos serones an Fuonte Aldé. An 1960 eimigrou para Moçambique adonde permaneciu alhá 16 anhos. Formou un grupo de Pauliteiros ne l Limpopo - Moçambique, adonde atuórun an bários locales cumo Bulawayo – Ex-Rodésia, Joanesburgo – Africa de l Sul, an Moçambique na Praia de l Bilene - Bilene Macia – Gaza i an Lourenço Marques. An 1976 debido al 25 de Abril, las perfundas altaraçones ouperadas nas ex-quelónias pertuesas oubrigan a percurar nuoba bida pa l sustento de la família i eimigrou para Cumbica - Stado de S. Paulo – Brasil. Francisco Giraldes Fernandes formou outro grupo de Pauliteiros adonde atuórun an bários eibentos de la quemunidade Pertuesa, fúrun a la telebison brasileira. L ultimo registo del a tocar ye ua filmaige caseira ne l die 20 de Febreiro de 1995 quando sou filho José Marie Fernandes fui al Brasil de bacanças nua bejita de Família.

*******

Os irmãos Fernandes

ANTÓNIO AUGUSTO FERNANDES

(Prado Gatão: 1899/Urrós: 1988)

FRANCISCO GERALDES FERNANDES

(Prado Gatão, Miranda do Douro 1912 – Combica, Estado de S. Paulo, Brasil 1997)

Português:

A memória dos velhos tempos remete-nos a estes irmãos ilustres Gaiteiros António (Augusto Fernandes) e Francisco (Geraldes Fernandes), ambos nascidos na humilde aldeia de Prado Gatão, concelho de Miranda do Douro. De acordo com as informações disponibilizadas, ainda nos seus tempos de juventude, os irmãos trabalhavam nas vizinhas quintas de Prado Gatão, onde tinham ovelhas e ambos eram tocadores de gaita de foles. Esse gosto por tal instrumento tinha-lhes sido transmitido por seu pai, Domingos Gabriel Fernandes, gaiteiro da época. Desde muito novos que os irmãos António e Francisco tiveram de abandonar a vida rotineira do ambiente familiar para trabalharem, por causa da morte do seu pai, sempre juntos, como pastores. Ao que consta, separaram-se quando se casaram, seguindo cada um a sua vida.

António Augusto Fernandes tocou em várias romarias locais, como na aldeia Prado Gatão, Urrós, Bemposta, Brunhosinho, Saldanha, e tocou varias vezes em Sendim, na Festa dos Moços intitulada as scapadas. Foi Gaiteiro de vários grupos de Pauliteiros da época. Muitas pessoas da aldeia de Urrós, ainda se recordam daquelas noites de Verão em que se podia ouvir o som da sua gaita de foles tocada algures nas arribas do Douro. Era de tal maneira popular em Urrós que a memória de uma expressão característica do Tiu Gaiteiro como aí lhe chamavam era o elogio popular “ah Guaparrão/oh Guaparrona”, permanece bem viva.   

  

Francisco Geraldes Fernandes tocou para os pauliteiros de Urrós e de outras terras, participou em várias romarias locais. Animou muitos serões em Fonte Aldeia. Em 1960 emigrou para Moçambique onde permaneceu lá 16 anos. Formou um grupo de Pauliteiros no Limpopo - Moçambique, onde actuaram em vários locais como Bulawayo – Ex-Rodésia, Joanesburgo – Africa do Sul, em Moçambique na Praia do Bilene - Bilene Macia – Gaza e em Lourenço Marques. Em 1976 devido ao 25 de Abril, as profundas alterações operadas nas ex-colónias portuguesas obrigam a procurar nova vida para o sustento da família e emigrou para Combica - Estado de S. Paulo – Brasil. Francisco Geraldes Fernandes formou outro grupo de Pauliteiros onde actuaram em vários eventos da comunidade Portuguesa, foram à televisão brasileira. O último registo dele a tocar é uma filmagem caseira no dia 20 de Fevereiro de 1995 quando seu filho José Maria Fernandes foi ao Brasil de férias numa visita de Família.

FRANCISCO MARTINS

Cércio - 1863-...

Mirandés:
FRANCISCO MARTINS

Cércio: 1863- (data çcoincida)

Foto cedida por 

The English Folk Song 

and Dance Society, Londres

 (1934). Arquivo Sons da Terra.

L registro deste eilustre gaiteiro Mirandés, Francisco Martins de Cércio, de Miranda de l Douro, coincido tamien cumo Tiu Niebes ó Francisco Cabreiro, debe-se muito al eisaustibo trabalho d'ambestigaçon de l Sr. Dr. Mário Correia. Na sue publicaçon antitulado “Pauliteiros de Miranda (Cércio). Biaige a Londres. Royal Albert Hall,, Janeiro, 1934. Eidiçon de l Centro de Música Tradecional Sons da Terra, Sendin”, relata ls teçtemunhos de l gaiteiro Francisco Martins.

Fui publicada ua noticia na eidiçon de l jornal Diário da Manhã (Lisboua), de 30 de Dezembre de 1933, por oucasion de la passaige pula capital, a camino de Londres, de l grupo de Pauliteiros de Cércio (Miranda de l Douro), an que l gaiteiro era Francisco Martins. Eilhes dançórun ne l afamado Royal Albert Hall, a cumbite de la English Folk Song and Dance Society, cumo cumbidado special ne l National Festival of English Folk Dance and Song, na nuite de 6 de Janeiro de 1934.

Na obra Cantares de l Pobo Pertués, Rodney Gallop, dá-mos ua amportante anformaçon subre l stilo i la técnica performatiba de l gaiteiro Francisco Martins. Ls mais spressibos eilemientos caratelizadores de l stilo de l gaiteiro, fázen-se notar ne ls stranhos anterbalos de la scala de la gaita i ne ls floreados ournamientos qu'anféitan las melodies, i que son mui defíceles d'anotar.

L musicólogo alman Kurt Schindler fizo un númaro berdadeiramente ampressionante de grabaçones, an l Outubre de 1932, an tierras de Miranda. Percipalmente de lhaços, anterpretados pul grupo de pauliteiros de Cércio, de que fazie parte l gaiteiro Francisco Martins.

Estes  ls únicos registros referentes al eilustre gaiteiro de Cércio, Francisco Martins

*******

Português:

FRANCISCO MARTINS
Cércio: 1863- (data desconhecida)

O registo deste ilustre gaiteiro Francisco Martins de Cércio, de Miranda do Douro, conhecido também como Tiu Nieves ou Francisco Cabreiro, deve-se muito ao exaustivo trabalho de investigação do Sr. Dr. Mário Correia. Na sua publicação intitulada “Pauliteiros de Miranda (Cércio). Viagem a Londres. Royal Albert Hall, Janeiro, 1934.Edição do Centro de Música Tradicional Sons da Terra, Sendim”, relata os testemunhos do gaiteiro Francisco Martins.

Foi publicada uma notícia na edição do jornal Diário da Manhã (Lisboa), de 30 de Dezembro de 1933, por ocasião da passagem pela capital, a caminho de Londres, do grupo de Pauliteiros de Cércio (Miranda do Douro), em que o gaiteiro era Francisco Martins. Eles actuaram no famoso Royal Albert Hall, a convite da English Folk Song and Dance Society, como convidado especial no National Festival of English Folk Dance and Song, na noite de 6 de Janeiro de 1934.

Na obra Cantares do Povo Português, Rodney Gallop, fornece uma preciosa informação sobre o estilo e a técnica performativa do gaiteiro Francisco Martins. Os mais expressivos elementos caracterizadores do estilo do gaiteiro, fazem-se notar nos estranhos intervalos da escala da gaita e nos floreados ornamentos que enfeitam as melodias, que são particularmente difíceis de anotar.

O musicólogo alemão Kurt Schindler efectuou um número verdadeiramente impressionante de gravações, em Outubro de 1932, em terras de Miranda. Principalmente de “lhaços”, interpretados pelo grupo de pauliteiros de Cércio, no qual se integrava o gaiteiro Francisco Martins.

São os únicos registos referentes ao ilustre Gaiteiro de Cércio Francisco Martins

MANUEL JOSÉ LOPES

Freixiosa: 1850- 1924

Mirandés: 

Manuel José Lopes, mais coincido por “Tiu Pepe” de la Freixenosa yé un berdadeiro lendairo ancontornable de las tradiçones gueiteiras de las Tierras de Miranda.

Naciu an 9 de Abril de 1850 na aldé de Freixenosa, ua poboaçon de l cunceilho de Miranda de l Douro.

Foto do Arquivo Fotográfico de Lisboa (1906). 

Arquivo Sons da Terra.

Popularizou-se nas Tierras de Miranda un lhaço cuja letra fui altarada pul “Tiu Pepe”, cul oubjetibo de maldezir dua bezina que le roubaba ls figos i que tenie por hábito armar spalhafates na aldé, cul nome de Arbilhano de Çamora, ó El Billano de Çamora. Fui tamien l'outor de la letra dun outro lhaço, antitulado “Balentina”, eigualmente dedicado a ua mulhier de Freixenosa qu'andaba dezindo que nun darie als beiladores la smola para fiesta de Santa Bárbela. Manuel José Lopes acumpanhou l grupo de pauliteiros (de Cunstantin) qu'an 1898 se çlocou la Lisboua, para participáren nas comemoraçones de l IV Centenário de l Çcubrimiento de l Camino Marítimo pa la Índia por Basco de la Gama. l “Tiu Pepe”, na sue quemunidade, marcou la época an que bibeu cun ua postura cultural i social que custitui un de ls mais segneficatibos aliçarces de la stória dessa mesma quemunidade i de la region an que la misma se ansere.

Manuel José Lopes faleciu an 8 de Dezembre de 1924.

*******

Português:

Manuel José Lopes, mais conhecido por “Tiu Pepe” da Freixiosa é um verdadeiro lendário incontornável das tradições gaiteiras da Terra de Miranda. Nasceu em 9 de Abril de 1850 na aldeia de Freixiosa, uma povoação do Concelho de Miranda do Douro.

Popularizou-se na Terra de Miranda um lhaço cuja letra foi alterada pelo “Tiu Pepe”, com o objectivo de maldizer de uma vizinha que lhe roubava os figos e que tinha por hábito armar barulhos na aldeia, com o nome de Arbilhano de Zamora, ou El Villano de Çamora. Foi também o autor da letra de um outro lhaço, intitulado “Balentina”, igualmente dedicado “a uma mulher de Freixenosa que andava dizendo que não daria aos dançadores a esmola para festa de Santa Bárbara. Manuel José Lopes acompanhou o grupo de pauliteiros (de Constantim) que em 1898 se deslocou a Lisboa, para participarem nas comemorações do IV Centenário do Descobrimento do Caminho Marítimo para a Índia por Vasco da Gama. o “Tiu Pepe”, na sua comunidade, marcou a época em que viveu com uma postura cultural e social que constitui um dos mais significativos alicerces da história dessa mesma comunidade e da região em que a mesma se insere.

Manuel José Lopes faleceu em 8 de Dezembro de 1924.

AL SON DE LAS ARRIBAS

Mirandés: 
Nacido a 15 de Maio de 1936 na Freixenosa – Miranda de l Douro, zde mui nuobo até a l'eidade de ls 15 anhos fui pastor.  Aprendiu a ler na tropa i mais tarde trabalhou na heidroelétrica de l Douro. Ângelo Arribas dedicou parte de l sou tiempo a la cunstruçon de strumientos tradecionales. Fá-lo nun aneixo de la casa que sirbe d'ouficina. Ye nesse lugar que trasforma materiales de la tierra cumo la madeira de frezno branco, buxo, angelge, zambulho, chifre de bui i piel de chibo an gaitas de foles, fraitas pastoris, caixas de guerra i bombos.

Foto cedida por Dinis Arribas

Cunstrutor i tocador, naide cumo l mestre “Tiu” Ángelo, soube mesmo acumpanhar na sue mocidade ls sons de las tradiçones locales. Inda garotico saltaba de madrugada de la cama para acumpanhar ls eilustres gaiteiros de la época, nas alboradas i romaries de a tierra. Aprendiu a tocar d'oubido la fraita i l tamboril, caixa de guerra i l strumiento ex-libris de las tierras de Miranda la gaita de foles. Garantindo que la gaita de foles mirandesa se çtingue de las demales pul “sons mais cheno” ye essa ua sonoridade cruda i ouriginária. De fato, la bitalidade de la música mirandesa fui possible pula açon d'artesones cumo Ângelo Arribas, cunstrutores de gaita de foles i fraitas pastoris, que permitiran la cunserbaçon de l'outenticidade destes strumientos.

Ángelo Arribas nun nega l'apoio als mais moços. L sou lema ye mesmo “ aprende todo l que podires, a ber se aprendes mais de l que you daprendi”. Yá dou formaçon a bários moços de l praino mirandés.

Mas l sou maior ourgulho na formaçon de moços gaiteiros fui ls sous nietos que por eniciatiba própia oubrigórun l'abó la çpender mais de l sou nobre tiempo na passaige de to la sabedorie subre l manuseamiento de la gaita de foles, caixa de guerra i bombo. Assi, trasmitiu-le to la cultura musical mirandesa. Mais tarde formou l trio tradecional mirandés “al son de las arribas”. Essa formaçon ten la particularidade de trocar antre eilhes ls strumientos tocando cun brio i enaltecendo la cultura mirandesa.

L Grupo ye cumpuosto por

Mestre Ángelo Arribas

Nieta Anita Arribas Pires

Nieto Dinis Arribas Pires

*******

Português: 
Nascido a 15 de Maio de 1936 na Freixiosa – Miranda do Douro, desde muito novo até à idade dos 15 anos foi pastor. Aprendeu a ler na tropa e mais tarde trabalhou na hidroeléctrica do Douro. Ângelo Arribas dedicou parte do seu tempo à construção de instrumentos tradicionais. Fá-lo num anexo da casa que serve de oficina. É nesse lugar que transforma materiais da terra como a madeira de freixo branco, buxo, engelge, zambulho, chifre de boi e pele de cabrito em gaitas de foles, fraitas pastoris, caixas de guerra e bombos.

Construtor e tocador, ninguém como o mestre “Tiu” Ângelo, soube mesmo acompanhar na sua juventude os sons das tradições locais. Ainda menino saltava de madrugada da cama para acompanhar os ilustres gaiteiros da época, nas alvoradas e romarias da terra. Aprendeu a tocar de ouvido a fraita e o tamboril, caixa de guerra e o instrumento ex-libris das terras de Miranda a gaita de foles. Garantindo que a gaita de foles mirandesa se distingue das demais pelo “som mais cheio” é essa uma sonoridade crua e originária. De facto, a vitalidade da música mirandesa foi possível pela acção de artesãos como Ângelo Arribas, construtores de gaita de foles e fraitas pastoris, que permitiram a conservação da autenticidade destes instrumentos.

Ângelo Arribas não nega o apoio aos mais jovens. O seu lema é mesmo “ aprende tudo o que puderes, a ver se aprendes mais do que eu aprendi”. Já deu formação a vários jovens do planalto mirandês.

Mas o seu maior orgulho na formação de jovens gaiteiros foi os seus netos que por iniciativa própria obrigaram o avó a dispender mais do seu nobre tempo na passagem de toda a sabedoria sobre o manuseamento da gaita de foles, caixa de guerra e bombo. Assim, transmitiu-lhe toda a cultura musical mirandesa. Mais tarde formou o trio tradicional mirandês “al son de las arribas”. Essa formação tem a particularidade de trocar entre eles os instrumentos tocando com brio e enaltecendo a cultura mirandesa.

O Grupo é composto por

Mestre Ângelo Arribas

Neta Anita Arribas Pires

Neto Dinis Arribas Pires