MANUEL OLIVEIRA LOPES

Duas Igrejas: 1921 - 1990

Mirandês:

Foto de autor desconhecido. 

Arquivo Sons da Terra.

Manuel Oliveira Lopes, nacido an dues Eigreijas a 20 de Outubre de 1921, faleciu na sue tierra natal a 24 de Abril de 1990. Era l mais bielho de cinco armanos, nunca casou i siempre bibeu de la pastorícia i de la laboura.

La gaita de foles fui feita por el própio durante las longas horas de permanéncia culs ganados nas pastaiges i lameiros. Tamien de sue outoria son las respetibas palhetas i palhones.

Manuel Oulibeira Lopes fura pauliteiro i beilador de l'eilustre rancho folclórico de dues Eigreijas. Inda assi quando l'eilustre Gaiteiro Alexandre Feio, de la Frezniosa, nun podie star persente ne ls ansaios, l Padre Mourinho chamaba siempre l Sr. Manuel para ir tocar ne ls ansaios de l grupo.

Las sues atebidades gaiteiras restringiran-se praticamente a las fiestas an dues Eigreijas.

An dues Eigreijas, ls mais bielhos inda se lembran de l ber tocar cun acumpanhamiento na caixa de guerra de l Sr. Alfredo Bintura (Caçarelhos) i ne l bombo de l Sr Manuel Paulo (S. Pedro de la Silba). Nun era un gaiteiro suberante, sendo mesmo bastante reserbado, mas fúrun muitas las fiestas qu'animou alhá pa ls lados de l Toural ó ne ls terreiros de Nuossa Senhora de l Monte.

Nunca tenendo casado, Manuel Oulibeira Lopes solo nun se tornou mais coincido solo porque an dues Eigreijas pontificaba, ne l grupo de pauliteiros i ne l rancho folclórico, un gaiteiro de a superior i ambulgar ambergadura - Alexandre Feio.

********

Português:

Manuel de Oliveira, nascido em Duas Igrejas a 20 de Outubro de 1921, faleceu na sua terra natal a 24 de Abril de 1990. Era o mais velho de cinco irmãos, nunca casou e sempre viveu da pastorícia e da lavoura.

A gaita de foles foi feita por ele próprio durante as longas horas de permanência com os rebanhos nas pastagens e lameiros. Também de sua autoria são as respectivas palhetas e palhões.

Manuel de Oliveira Lopes fora pauliteiro e bailador do ilustre rancho folclórico de Duas Igrejas. No entanto quando o ilustre Gaiteiro Alexandre Feio, da Freixiosa, não podia estar presente nos ensaios, o Padre Mourinho chamava sempre o Sr. Manuel para ir tocar nos ensaios do grupo.

As suas actividades gaiteiras restringiram-se praticamente às festas em Duas Igrejas.

Foto de António Rodrigues Mourinho 

27 de Dezembro de 1970

Em Duas Igrejas, os mais velhos ainda se lembram de o ver tocar com acompanhamento na caixa de guerra do Sr. Alfredo Ventura (Caçarelhos) e no bombo do Sr Manuel Paulo (S. Pedro da Silva). Não era um gaiteiro exuberante, sendo mesmo bastante reservado, mas foram muitas as festas que animou lá para os lados do Toural ou nos terreiros de Nossa Senhora do Monte.

Nunca tendo casado, Manuel Oliveira Lopes só não se tornou mais conhecido apenas porque em Duas Igrejas pontificava, no grupo de pauliteiros e no rancho folclórico, um gaiteiro da superior e invulgar envergadura - Alexandre Feio. 

JOAQUIM ANTÃO

Granja da Silva: 1917
Vimioso: 2009

Mirandês:

Autoria Jorge Lira -1987

Naciu a 17 de Febreiro de 1917 na aldé de la Granja de Silva, pertencente a la freguesie de S. Pedro de la Silba (Miranda de l Douro). Casou an S. Joanico (Bumioso) i ende quedou a residir l resto de la sue bida, acabando por falecer an 2009 nun lar d´idosos na Bila de Bumioso.

L sou pai, l Tiu Zé Antão, fui um popular apreciado Gaiteiro sn Granja de Silba, an pleno coraçon de l Praino Mirandés. Joaquim Antão desde mui cedo fameliarizado culs ambientes spressibos de la música tradecional mirandesa, dedicou grande parte de ls sous tiempos libres a las cousas de la música. fui le legado a la bielha gaita de foles de l pai na qual tenerie sido aquirida pul sou abó por alturas de l´anho de 1930. Naqueilha época era un strumiento berdadeiramente único, d´aspeto mui rudimentar i arcaico mas cun ua particularidade tímbrica, stupenda.

Joaquim Antão era tamien símio na feitura de las palhetas i de ls palhones. L mesmo era frequantamente bejitado por bários gaiteiros de las redondezas para oubtíren nuobas palhetas.

Cunta-se qu´un die, an S. Joanico, Jaoquim Antão an ton poético afirmou:

Se you morrer al ciel Hei-d´ir-me
mas la mie gaita a tocar
i certo yé que ao subir-me
iran ls anjos comigo a beilar...

*******

Português:
Nasceu a 17 de Fevereiro de 1917 na aldeia da Granja de Silva, pertencente à Freguesia de S. Pedro da Silva (Miranda do Douro). Casou em S. Joanico (Vimioso) e aí ficou a residir o resto da sua vida, acabando por falecer em 2009 num lar de idosos na vila de Vimioso.

O seu pai, o Tiu Zé Antão, foi um popular e apreciado Gaiteiro em Granja de Silva, em pleno coração do Planalto Mirandês. Joaquim Antão desde muito cedo familiarizado com os ambientes expressivos da música tradicional mirandesa, dedicou grande parte dos seus tempos livres ás coisas da música. foi lhe legado à velha gaita de foles do pai na qual teria sido adquirida pelo seu avô por alturas do ano de 1830. Naquela época era um instrumento verdadeiramente único, de aspecto muito rudimentas e arcaico mas com uma particularidade timbríca, estupenda.

Joaquim Antão era também exímio na feitura de palhetas e dos palhões. O mesmo era frequantemente visitado por vários gaiteiros das redondezas para obterem novas palhetas.

Conta-se que um dia, em S. Joanico , Joaquim Antão em tom poético afirmou

Se you morrer al ciel Hei-d´ir-me
mas la mie gaita a tocar
i certo yé que ao subir-me
iran ls anjos comigo a beilar...

ERNESTO MARTINS LHANO (Tiu Ernesto Bartolo)

Duas Igrejas: 1915-2009

Mirandês:

Foto de Mário Correia (2004)
 Arquivo Sons da Terra

Ernesto Martins Lhano, dezido Tiu Ernesto Bartolo, nacido an dues Eigreijas a 15 de Maio de 1915, ampeçou a tocar gaita de foles quando tenie cerca de binte anhos, yá moço feito, subretodo stimulado por sou pai, Francisco Martins Lhano, qu'era caixeiro. Mas l filho, an termos anstrumentales, nun le seguiu las pisadas. Anque na época nun haber gaiteiro na tierra cul qual podisse aprender, fui durante las longas horas passadas nas pastaiges i lameiros de l Praino Mirandés qu'aperfeiçou l domínio de l strumiento.

Ouserbaçones deste eilustre Gaiteiro Mirandés mostrando la deficuldade de la bida de la época “You tocaba pouco porque era pastor i tenie pouco tiempo para ir a las fiestas. Fui por esso que nunca toquei culs pauliteiros, nun podie ir als ansaios nin a las salidas. Ó tenie d'ir cul ganado pa ls cerrados ó tenie de trabalhar nua ouficina de bicicletas, qu'inda tengo…”

Ampeçou a custruir gaitas de foles, usando pa l'eifeito ua simples nabalha típica de la region - a popular Palaçoulo. Custruiu alguas gaitas de foles, nun muitas. Mas todas eilhas fúrun bendidas, anque tener pouca çponibelidade pa la cunfeçon desse mágico strumiento. Custruiu todas las peças ancluindo palhetas i palhones a mano  (esso por nun tener torno), sabendo que quedarian mui melhor.

La gaita de foles que Ernesto Lhano usaba ye d'ourige galega (fabricante de l Lugo). Mas la punteira usual era de bucho, de la sue outoria, çpensando assi l'ouriginal.

Tocou an peditórios, procissones i beiles. Atuou por dibersas bezes an dues Eigreijas, Sendin i alguas tierras de l Cunceilho de Mogadouro.

Ernesto Martines Lhano (Tiu Ernesto Bartolo) faleciu a 07 de Júnio de 2009, an dues Eigreijas, cunceilho de Miranda de l Douro.

********

Português:
Ernesto Martins Lhano, dito Tiu Ernesto Bartolo, nascido em Duas Igrejas a 15 de Maio de 1915, começou a tocar gaita de foles quando tinha cerca de vinte anos, já moço feito, sobretudo estimulado por seu pai, Francisco Martins Lhano, que era caixeiro. Mas o filho, em termos instrumentais, não lhe seguiu as pisadas. Apesar de na época não haver gaiteiro na terra com o qual pudesse aprender, foi durante as longas horas passadas nas pastagens e lameiros do Planalto Mirandês que aperfeiçoou o domínio do instrumento. 
Observações deste ilustre Gaiteiro Mirandês mostrando a dificuldade da vida da época “Eu tocava pouco porque era pastor e tinha pouco tempo para ir às festas. Foi por isso que nunca toquei com os pauliteiros, não podia ir aos ensaios nem às saídas. Ou tinha de ir com o gado para os cerrados ou tinha de trabalhar numa oficina de bicicletas, que ainda tenho…” 

Começou a construir gaitas de foles, usando para o efeito uma simples navalha típica da região - a popular Palaçoulo. Construiu algumas gaitas de foles, não muitas. Mas todas elas foram vendidas, apesar de ter pouca disponibilidade para a confecção desse mágico instrumento. Construiu todas as peças incluindo palhetas e palhões à mão  (isso por não ter torno), sabendo que ficariam muito melhor. 

A gaita de foles que Ernesto Lhano usava é de origem galega (fabricante do Lugo). Mas a ponteira usual era de bucho, da sua autoria, dispensando assim a original. 
Tocou em peditórios, procissões e bailes. Actuou por diversas vezes em Duas Igrejas, Sendim e algumas terras do Concelho de Mogadouro. 

Ernesto Martins Lhano (Tiu Ernesto Bartolo) faleceu a 07 de Junho de 2009, em Duas Igrejas, concelho de Miranda do Douro.

ALEXANDRE AUGUSTO FEIO

Freixiosa: 1914

Freixiosa: 1999

Mirandês:

Alexandre Augusto Feio naciu na aldé de Freixenosa, ua aneixa de la freguesie de Bila Chana de Braciosa (Miranda de l Douro) a 21 de Agosto de 1914. Dedicou-se toda la bida a la pastorícia i al trabalho árduo de l'agricultura.

Foto de Zeca Meirinhos (detalhe).
Arquivo Sons da Terra

Als quinze anhos d'eidade l'antresse pula gaita de foles ganhou fuorça, tenendo grande çponibelidade nua daprendizaige regular proporcionada pul tiempo passado cul ganado, usando pa l'eifeito ua punteira cumprada al Tiu “Fuseiro” (Luciano Fonso) de Genísio. Essa punteira ye cunsidrada ua refréncia ne l quadro tímbrico de las gaitas de foles tocadas nas Tierras de Miranda. L'eilustre mestre Gaiteiro tornou-se assi nun stilo anconfundible qu'assenta naquel timbre abeludado que ne ls permite la sue eidantificaçon eimediata antre todos ls restantes gaiteiros de las Tierras de Miranda de la época.

L sou treino árduo i antensibo an modos arcaicos i ornamientos sóticos debe-se al fato de ls gaiteiros mais bielhos nun ansináren l que sabien, ls quales nun bian cun “buns uolhos” ls daprendizes.

Alexandre Feio pudo oubir i ber cumo tocában ls mais bielhos gaiteiros, antre ls quales se çtacou Mestre Gaiteiro Manuel José Lopes ó tan eilustre cumo popular Tiu Pepe.

Padre António Marie Mourinho fui detreminante na bida musical de Alexandre Feio pula sue açon zambolbida ne l fascínio de a mimória biba de la tradiçon oural mirandesa i culturalmente preacupado cula permanéncia spressiba i anraizada de la sue eidantidade.

Faleciu ne l demingo de Galhos de 1999 a 28 de Márcio. Para todos ls que percuran cuntribuir pa la defesa, dibulgaçon i balorizaçon de las tradiçones musicales mirandesas, ua berdadeira refréncia permanece ne l tiempo sendo cumo un de ls mais spressibos i amblemáticos gaiteiros mirandeses.

********

Português:

Alexandre Augusto Feio nasceu na aldeia de Freixiosa, uma anexa da freguesia de Vila Chã de Braciosa (Miranda do Douro) a 21 de Agosto de 1914. Dedicou-se a vida toda à pastorícia e ao trabalho árduo da agricultura.

Aos quinze anos de idade o interesse pela gaita de foles ganhou força, tendo grande disponibilidade numa aprendizagem regular proporcionada pelo tempo passado com o gado, usando para o efeito uma ponteira comprada ao Tiu “Fuseiro” (Luciano Afonso) de Genísio. Essa ponteira é considerada uma referência no quadro tímbrico das gaitas de foles tocadas nas Terras de Miranda. O ilustre mestre Gaiteiro tornou-se assim num estilo inconfundível que assenta naquele timbre aveludado que nos permite a sua identificação imediata entre todos os restantes gaiteiros das Terras de Miranda da época.

O seu treino árduo e intensivo em modos arcaicos e ornamentos exóticos deve-se ao facto de os gaiteiros mais velhos não ensinarem o que sabiam, os quais não viam com “bons olhos” os aprendizes.

Alexandre Feio pôde ouvir e ver como tocavam os mais velhos gaiteiros, entre os quais se destacou Mestre Gaiteiro Manuel José Lopes ou tão ilustre como popular Tiu Pepe.

Padre António Maria Mourinho foi determinante na vida musical de Alexandre Feio pela sua acção desenvolvida no fascínio da memória viva da tradição oral mirandesa e culturalmente preocupado com a permanência expressiva e enraizada da sua identidade.

Faleceu no domingo de Ramos de 1999 a 28 de Março. Para todos os que procuram contribuir para a defesa, divulgação e valorização das tradições musicais mirandesas, uma verdadeira referência permanece no tempo sendo como um dos mais expressivos e emblemáticos gaiteiros mirandeses. 

PAULINO PEREIRA JOÃO

Malhadas: 1912

Póvoa: 1999

Mirandês:

Paulino Pereira João naciu an 12 de Janeiro de 1926 an Malhadas (Miranda de l Douro), tenendo seguido las pisadas de sou pai ne ls campos i cerrados de pastoreio.

Foto de autor desconhecido.
Arquivo Sons da Terra.

Paulino Pereira João aprendiu a tocar fraita pastoril “fraita mirandesa” strumiento de trés ourifícios, cun sou pai i rebelou capacidades quaije inatas ne l decurso de la daprendizaige i al fin de cerca dun anho yá dominaba praticamente to l repertório tradecional de la fraita pastoril. Lougo seguiu-se la gaita de foles, tenendo aporfilhado cumo modelo de gaiteiro Tiu Isaac Jacob, un cabreiro de dues Eigreijas. L'ambiçon de daprender solo çcansou quando cunseguiu cumprar ua punteira a un carpinteiro de Genísio que tamien fazie fusos, Luciano Fonso, dezido Tiu Fuseiro, home que custruía fraitas i gaitas ambora nun las tocasse.

An 1942 eimigrou para Angola cun sue família, por alhá quedou cerca de trinta anhos. Por coincidéncia naqueilha antiga quelónia pertuesa ancontrában-se muitos mirandeses adonde fondou trés grupos de pauliteiros. Passado l 25 de Abril de 1974, Paulino Pereira João i la sue família assumiran la cundiçon de retornados, i regressou a las sues ouriges, quedando anton a residir na Póboa. Tenie deixado de tocar la gaita habie yá alguns anhos mas quando regressou boltou a tocá-la. An 1989 deixou outra beç de tocar la gaita de foles debido a la muorte trágica de la sue filha.

Paulino Pereira João faleciu a 20 de Janeiro de 1999 na Póboa, cunceilho de Miranda de l Douro.

********

Português:

Paulino Pereira João nasceu em 12 de Janeiro de 1926 em Malhadas (Miranda do Douro), tendo seguido as pisadas de seu pai nos campos e cerrados de pastoreio.

Paulino Pereira João aprendeu a tocar flauta pastoril “fraita mirandesa” instrumento de três orifícios, com seu pai e revelou capacidades quase inatas no decurso da aprendizagem e ao fim de cerca de um ano já dominava praticamente todo o repertório tradicional da flauta pastoril. Logo seguiu-se a gaita de foles, tendo adoptado como modelo de gaiteiro Tiu Isaac Jacob, um cabreiro de Duas Igrejas. A ambição de aprender só descansou quando conseguiu comprar uma ponteira a um carpinteiro de Genísio que também fazia fusos, Luciano Afonso, dito Tiu Fuseiro, homem que construía flautas e gaitas embora não as tocasse.

Em 1942 emigrou para Angola com sua família, por lá ficou cerca de trinta anos. Por coincidência naquela antiga colónia portuguesa encontravam-se muitos mirandeses onde fundou três grupos de pauliteiros. Após o 25 de Abril de 1974, Paulino Pereira João e a sua família assumiram a condição de retornados, e regressou às suas origens, ficando então a residir na Póvoa. Tinha deixado de tocar a gaita havia já alguns anos mas quando regressou voltou a tocá-la. Em 1989 deixou novamente de tocar a gaita de foles devido à morte trágica da sua filha.

Paulino Pereira João faleceu a 20 de Janeiro de 1999 na Póvoa, concelho de Miranda do Douro.

MANUEL ANTÓNIO ARAÚJO

Brunhosinho: 1912

Figueirinha: 1989

Mirandês:

 O gaiteiro da Figueirinha 

Manuel António Araújo.

Arquivo Sons da Terra.

Manuel António Araújo naciu a 17 de Márcio de 1912 ne l Brunhosinho ne l cunceilho de Mogadouro, tenendo casado an Figueirinha, adonde se dedicou a las tarefas agrícolas i ganadeiras, cumo la maior parte de las gientes de la region. Nun se sabe acerca de l strumiento por si outelizado, presume-se tratar dun modelo galego, i l sou stilo musical, garanten-mos ls mais bielhos, ser cheno d'ornamentaçones i mui alegre. Por muitos cunsidrado mesmo cumo sendo un de ls melhores tocadores de gaita de foles de la region.

Manuel António Araújo gaiteiro de la Figueirinha, figura cimeira de la música tradecional de la ária de l Praino Mirandés, inda bien persente na mimória de ls mais bielhos, amplamente referido nas mais dibersas circunstáncias i çtintas aldés de l cunceilho de Mogadouro i de l cunceilho de Miranda de l Douro.

De fato, abundan las refréncias l'este gaiteiro, qu'un die cumpareciu nas célebres scapadas de Sendin, spriéncia qu'aliás nun boltou a repetir-se pulas diabruras i tropelias de las luitas habidas antre solteiros i casados. L gaiteiro nestas tradiçones treminaba cun un mergulho ne l tanque de l Bergel ó na Fuonte de l Lugar.

L'eilustre mestre gaiteiro de Ruolos José Marie Fernandes relata que fura sou pai quien ansinou ls percípios de l'arte gaiteira la Manuel Araújo. Júlio de l Nacimiento Rodrigues gaiteiro de Sampaio, recorda-se inda de l tener bisto i scuitado an dibersas ocasiones festibas, garantindo tratar-se dun home mui dibertido i que tocaba mui bien.

Faleciu an 14 de Agosto de 1989

********

Português:

Manuel António Araújo nasceu a 17 de Março de 1912 o Brunhosinho no concelho de Mogadouro, tendo casado em Figueirinha, onde se dedicou às tarefas agrícolas e ganadeiras, como a maior parte das gentes da região. Não se sabe acerca do instrumento por si utilizado, presume-se tratar de um modelo galego, e o seu estilo musical, garantem-nos os mais velhos, ser cheio de ornamentações e muito alegre. Por muitos considerado mesmo como sendo um dos melhores tocadores de gaita de foles da região.

Manuel António Araújo gaiteiro da Figueirinha, figura cimeira da música tradicional da área do Planalto Mirandês, ainda bem presente na memória dos mais velhos, amplamente referido nas mais diversas circunstâncias e distintas aldeias do concelho de Mogadouro e do concelho de Miranda do Douro.

De facto, abundam as referências a este gaiteiro, que um dia compareceu nas célebres scapadas de Sendim, experiência que aliás não voltou a repetir-se pelas diabruras e tropelias das lutas havidas entre solteiros e casados. O gaiteiro nestas tradições terminava com um mergulho no tanque do Vergel ou na Fonte do Lugar.

O ilustre mestre gaiteiro de Urrós José Maria Fernandes relata que fora seu pai quem ensinou os princípios da arte gaiteira a Manuel Araújo. Júlio do Nascimento Rodrigues gaiteiro de Sampaio, recorda-se ainda de o ter visto e escutado em diversas ocasiões festivas, garantindo tratar-se de um homem muito divertido e que tocava muito bem.

Faleceu em 14 de Agosto de 1989

JOSÉ JOÃO DA IGREJA

Ifanes: 1911 - 1975

Mirandês:

Nacido an Anfainç a 5 de Outubre de 1911, José João da Igreja bieno a falecer a 4 de Júnio de 1975, an circunstáncias trágicas dua queda dun frezno.

  

Foto disponibilizada por Isabel da Igreja, 

filha do gaiteiro, em 2004. 

Arquivo Sons da Terra.

José João da Igreja era un cumpetente carpinteiro de telhados i de sobrados de casa. Ye un daqueles gaiteiros de la Tierra de Miranda cujo nome permanece absolutamente referencial, sendo inda hoije recordado pula giente que tubo l prebilégio d'apreciar l sou talento i birtuosismo de l toque nas arruadas tradecionales i fiestas rurales de l Praino Mirandés. La sue muorte prematura ampediu-mos de cuntinar a usufruir, por mui mais tiempo, de l sou einorme talento quemunicatibo.

José João da Igreja fui un de ls gaiteiros de la Tierra Miranda mais percurado por eilustres coletores de música cumo Michel Giacometti i Ernesto Beiga de Oulibeira. An 1956, Michel Giacometi grabou un de ls mais amblemáticos spécimes de l repertório tradecional, Redondo, que fui ancluído ne l belume 2 de la Antologie de la Música Regional Pertuesa, dedicado a la porbíncia de Trás-los-Monte e tamien mais tarde la série “Pobo Que Canta”.

  

Inda hoije muitos populares l recordan de modo particularmente spressibo “Nun habie naide cumo l Tiu Zé Gaiteiro de Anfainç!... I olhe qu'habie mui buns gaiteiros nessa altura mas nanhun era cumo el!...”

********

Português:

Nascido em Ifanes a 5 de Outubro de 1911, José João da Igreja veio a falecer a 4 de Junho de 1975, em circunstâncias trágicas de uma queda de um freixo.

José João da Igreja era um competente carpinteiro de telhados e de sobrados de casa. É um daqueles gaiteiros da Terra de Miranda cujo nome permanece absolutamente referencial, sendo ainda hoje recordado pela gente que teve o privilégio de apreciar o seu talento e virtuosismo do toque nas arruadas tradicionais e festas rurais do Planalto Mirandês. A sua morte prematura impediu-nos de continuar a usufruir, por muito mais tempo, do seu enorme talento comunicativo.

José João da Igreja foi um dos gaiteiros da Terra Miranda mais procurado por ilustres colectores de música como Michel Giacometti e Ernesto Veiga de Oliveira. Em 1956, Michel Giacometi gravou um dos mais emblemáticos espécimes do repertório tradicional, Redondo, que foi incluído no volume 2 da Antologia da Música Regional Portuguesa, dedicado à província de Trás-os-Monte e também mais tarde a série “Povo Que Canta”

  

Ainda hoje muitos populares o recordam de modo particularmente expressivo “Não havia ninguém como o Tiu Zé Gaiteiro de Ifanes!... E olhe que havia muito bons gaiteiros nessa altura mas nenhum era como ele!...”